ኢትዮጵያዊ መሆናቸውን አላረጋገጥንም ኢትዮጵያዊ መሆናቸውን አላረጋገጥንም

ገዥው ቡድን ስለተገደሉት ንፁህ ክርስቲያን ኢትዮጵያውያኖች በግብፅ ካለው ኤምባሲ ባገኝው መረጃ መሰረት የኢትዮጵያ ዜግነት እንዳላቸው እስካሁን እርግጠኛ ለመሆን የሚያስችል መረጃ ሊያገኝ እንዳልቻለ እና ከኤንባሲው የተቀበሉትን መረጃ ተንተርሰው የውጭ ጉዳይ ሚኒስትር ዶክተር ቴዎድሮስ አድሃኖም በበኩላቸው ኢትዮጵያዊም ይሁኑ የሌላ ሀገር ዜጋ ድርጊቱ አሳዛኝ ነው። በማለት ከአንድ ከፍተኛ ባለስልጣን የማይጠበቅ ቀጥሎም ምንም አይነት እርምጃ ላለመውሰድ የሚያስችል መንደርደርያ ከወዲሁ እያቀነባበሩ ይገኛሉ። ከወያኔ የዜና አውታር http://www.fanabc.com ይህ በንፁሃን ላይ የተፈፀመ ድርጊት በጣም አሳዛኝና ዘግናኝ ድርጊቱ እየተጣራ መሆኑን እና ግድያውም በኢትዮጵያውያን ላይ ይፈፀም ወይም በሌላ ዜጋ የምናውቀው ነገር የለንም ብሎ በሟቾቹ አይን ላይ የሚነበበውን ኢትዮጵያዊነት አቅማምቶበታል።

በዘገባቸው ላይ እንደሰፈረው፥ . . . “ በዛሬው ዕለት ሚያዚያ 11 ቀን 2007 ዓመተ ምህረት የተለያዩ አለም ዓቀፍ ሚዲያዎች ባሰራጩት ዘገባ አይ ኤስ የተባለው አሸባሪ ቡድን ግድያ የፈፀመባቸው ስደተኞች ኢትዮጵያውያን እንደሆኑ ቢገልፁም“ . . .  በማለት በመልካም ቃላት ቢያሸበራርቁትም በዓለም ላይ ያሉት ታዋቂ የዜና አጠናቃሪዎች ኢትዮጵያውያን እንደሆኑ እየተናገሩ እንኳን ይህንን ጆሮ ዳባ ልበስ ብለው ስለ ፓስፖርት እና መታወቂያ በማውራት ኢትዮጵያዊነታቸው ላይ ጥርጣሬ እንዳለው እና ገና እያጣራው እንደሆነ መግለፁ ኢትዮጵያ መንግስት እንደሌላት ከሚያሳዩት ምልክቶች ቁጥር መመደብ የሚቻል አንገት አስደፊ እርምጃ ነው።

ይህ ልብን የሚያሳዝን የወያኔ ምልከታ ምን ያህል ለኢትዮጵያዊያን ደም መፍሰስ ልቡ እንደማይደነግጥ እና በደቡብ አፍሪቃም በየመንም አልፎም ተርፎ በአጭር ሰአታት ውስጥ በተጨባጭ ፊልም ተደግፎ የታየ ሆኖ ሳለ በተለያዩ የዜና ምንጮች ላይ የተዘገበውን የሊቢያውን አሰቃቂ ግድያ ገና እየተጣራ መሆኑ እጅግ አሳፋሪ እና ዜጋው ደራሽ እና መከታ እንደሌለው በተጨባጭ የሚያስረዳ ሁኔታ ነው ። በተጨማሪም በሊቢያ በስደት ያሉትን በፈቃደኝነት ወደ ሀገራቸው መመለስ የሚፈልጉ ቢገኙ ግብፅ ካለው ኤንባሲ ጋር ግንኙነት እንዲያደርጉ የሚል ሌላ ልብ አሳዛኝ ወሬ አውርቷል ። በእርግጥ ነገ ምን ሊገጥመው እንደሚችል የማያውቅ ስደተኛ በተንቀራፈፈ እና የተቀላጠፈ ስራ ሳይኖረው በሙስና እና በዘረኝነት ከተቀፈደደ ኤንባሲ ጋር በምን ፍጥነት እና ኢኮኖሚው ነው ስደተኛው ለመመለስ ካይሮ ካለ የወያኔ ኤምባሲ የሚያመለክተው? ዜጋ ከዚህስ ማጥ ማምለጥ የሚችልበትን ዘዴ እንደመንግስት ሊቀየስ የተገባው መፍትሔ በርግጥ ይህ መሆኑ ሀዘናችንን ድርብ አድርጎታል። የዚህ ሀዘን ተካፋይ ለሆንን  ሁሉ የልብ መፅናናቱን እግዚአብሔር ያድርግልን።

ቢንያም ግዛው።